وسط جدل واسع أثارته قضية إغلاق عيادة بيطرية بمصر الجديدة، كشف الدكتور أحمد النبراوي، صاحب العيادة البيطرية، عن تفاصيل الخلاف مع الفنانة مشيرة إسماعيل، التي تقدمت ببلاغات متكررة ضد العيادة، ما تسبب في تشميعها رغم مساندة الجيران للمكان.
وأوضح أحمد النبرواي لموقع “بصراحة” الإخباري سبب الخلافات بينه وبين مشيرة إسماعيل في عدة نقاط كالتالي:-
-“مشيرة إسماعيل بتهاجمنا من قبل العيادة ما تشتغل وكانت لسه بتتشطب وقدمت فينا بلاغ إن العيادة فيها حيوانات”.
-“لما الهيئة جيت تقفل المكان السكان كلهم كانوا معانا قلبًا وقالبًا، وهما اللي كانوا بيتصدوا للحي لو العيادة بتضرهم مكانوش هيعملوا كده”.
-“مشيرة إسماعيل كانت بتتكلم مع كل البرامج وبتعمل كل محاولاتها علشان تقفل المكان واتقالنا إنها موصيه علينا”.
-“هي ساكنه في آخر دور وإحنا في الأرض والمشاكل مستمرة بلا هدف حاولنا نراضيها وكانت بتقفل السكة في وشنا وبتزعق لنا”.
-“العيادة اتشمعت بالحيوانات ولما قولنا للهيئة الحيوانات جوه قالولنا “تموت الحيوانات” والدكاترة رفضوا يخرجوا وشمعوا العيادة بالدكاترة والحيوانات وفضلوا محبوسين طول الليل”.
-“اللي عايز أقوله إن العيادة البيطرية دي اللي بتحصن الحيوانات عمرها ما تكون مصدر للأمراض ولو بتصدر روايح سيئة كان باقي السكان اشتكو”.
-“مشيرة إسماعيل ست كبيرة لكنها دايما بتعمل مشاكل معانا وفي مشاكل بينها وبين الجيران، ومع محل تاني فاتح قدامنا، وقبل كده في اجتماع سكان العمارة قالتلهم ليه موافقين ع وجود عيادة بيطرية في العيادة دي هتقلل من سعر الشقق”.
-“هي مركبه كاميرات علشان تراقبنا 24 ساعة مع أنها في آخر دور، وفي عميل كان جاي بالقط بتاعه وحدفت مايه عليه واعتذرتله وفهمته إنها ست كبيرة”.
-“أنا مش عايز مشاكل وعلشان كده هقدم أكتر من بلاغ للنيابة العامة، علشان أحمي حقوقي وأحافظ عليها”.
المصدر : وكالات
